៧ វិធី​ងាយៗ​អាច​បង្ការ​ជំងឺមហារីក​ពោះវៀនធំ​បាន​

៧ វិធីងាយៗអាចបង្ការជំងឺមហារីកពោះវៀនធំបាន

2019-12-28 2:28:36 PM
ចំនួនមើល 58 ដង

ជំងឺមហារីកពោះវៀនធំទំនងជាមិនសូវជួបប្រទះច្រើនទេក្នុងស្រុកយើង ព្រោះថាប្រជាជនយើងមិនសូវមានការយល់ដឹងច្រើនអំពីវាហើយជំងឺនេះច្រើនតែមិនបង្កជារោគសញ្ញាសម្គាល់អ្វីឡើយក្នុងដំណាក់កាលដំបូងៗ។ ដូច្នេះតើវាល្អទេ បើសិនជាយើងអាចបង្ការជំងឺនេះកុំឲ្យកើតមានលើរាងកាយយើងបាន? បើសិនជាចង់មែននោះសូមតាមដានជាមួយខ្ញុំដូចខាងក្រោមនេះ៖

១,រក្សាទម្ងន់ឲ្យនៅសុខភាពល្អ
រក្សាទម្ងន់ឲ្យនៅមានសុខភាព តើអ្នកមានដឹងទេថា ការដែលធាត់ជ្រុលមានទំនាក់ទំនងនឹងការកើតជំងឺមហារីកប្រមាណ ១១ប្រភេទខុសៗគ្នាដែរទេ ហើយក្នុងនោះក៏មានពោះវៀនធំដែរ។ ដូច្នេះ បើសិនជាអ្នកដឹងខ្លួនថាកំពុងតែធាត់ហើយយកល្អគួរតែស្វែងរកវិធីសាស្ត្រដើម្បីសម្រកទម្ងន់ឲ្យហើយទៅ។

២, ហាត់ប្រាណជាប្រចាំ
ការហាត់ប្រាណជាប្រចាំជាវិធីសាស្ត្រដ៏ល្អមួយក្នុងការសម្រក ទម្ងន់។ យ៉ាងណាមិញ ការហាត់ប្រាណក៏អាចកាត់បន្ថយការកើតជំងឺមហារីកពោះវៀនធំដែរ។ បើសិនជាអ្នកមិនចូលចិត្តការហាត់ប្រាណក្នុងក្លិបទេអ្នកក៏អាចប្រើវិធីផ្សេងៗ ទៀតជំនួសបានដែរ ដូចជា ការរាំ លេងបាល់ទះ ហែលទឹក…ក៏បានដែរ។

៣,ឈប់ជក់បារី
មនុស្សគ្រប់គ្នាដឹងហើយថា ការជក់បារីពិតជាទម្លាប់មួយដែលអាចបំផ្លាញសុខភាពយើងបាន។ អ្នកជំនាញនិយាយថា ក្រៅពីជំងឺសួត ដាច់សរសៃឈាមខួរក្បាល និងជំងឺបេះដូង ការជក់បារីក៏បណ្តាលឲ្យកើតជំងឺមហារីកប្រមាណ ១១ប្រភេទខុសៗគ្នា ហើយមហារីកពោះវៀនធំក៏មានដែរ។

៤, កាត់បន្ថយការញ៊ាំគ្រឿងស្រវឹង
អ្នកជំនាញនិយាយថាយើងអាចទទួលទានគ្រឿងស្រវឹង ក្នុងកម្រិតមធ្យមបានដោយ បុរស ២កែវក្នុងមួយថ្ងៃ និងស្ត្រី ១កែវក្នុងមួយថ្ងៃ។ កាលណាអ្នកព្យាយាមញ៊ាំច្រើនជាងនេះ ការប្រឈមនឹងជំងឺមហារីកពោះវៀនធំ និង មហារីកផ្សេងៗទៀតគឺកាន់តែខ្ពស់។

៥,បង្កើនការញុំាអាហារសម្បូរជាតិសរសៃ
អាហារសម្បូរជាតិសរសៃមានការសិក្សាជាច្រើនបានបង្ហាញថា របបអាហារសម្បូរជាតិសរសៃដូចជា គ្រាប់ធញ្ញជាតិ បន្លែ និងផ្លែឈើអាចជួយលុបបំបាត់ការកើតជំងឺមហារីកពោះវៀនធំបាន ព្រោះជាតិសរសៃនឹងជួយបោសសម្អាតជាតិពុលដែលមានក្នុងផ្លូវ ពោះវៀនរួមតាំងកោសិកាមហារីកផងដែរ។

៦, កាត់បន្ថយការញ៊ាំសាច់ក្រហម
ដោយសារតែសាច់ក្រហមត្រូវបានគេស្គាល់ថា ជាភ្នាក់ងារបង្កមហារីក ជាពិសេសមហារីកពោះវៀនធំតែម្តង។ ក្រៅពីសាច់ក្រហមយកល្អគួរតែតមសាច់ដែលមានការកៃឆ្នៃផង។

៧, ពិនិត្យសុខភាពពោះវៀនធំ
ការដែលទៅឲ្យពេទ្យតាមដានសុខភាពពោះវៀនធំ និងស្វែងរកជំងឺមហារីកពោះវៀនធំជាប្រចាំ គឺជារឿងសំខាន់មួយសម្រាប់ បុគ្គលដែលអាយុចាប់ពី៥០ឆ្នាំឡើងទៅ។ យកល្អគួរតែឲ្យពេទ្យឆ្លុះពោះវៀនធំមួយ ឆ្នាំម្តង៕

អ្នកនិពន្ធ ឬកែសម្រួល៖ Chamreun Sambath

ព័ត៌មានទូទៅទាក់ទងនិង ការកំសាន្តផ្សេងៗ ការអប់រំ ការងារ ការសិក្សា ការការពារ គន្លឹះខ្លីៗ ភាពទាន់សម័យ សុខភាព ទំនៀមទំលាប់ វិទ្យាសាស្រ្តនឹងបច្ចេកវិទ្យា ប្រពៃណី សកម្មភាព ក្នុង និងក្រៅសង្គម នាពេលបច្ចុប្បន្ន និងរឿងរ៉ាវជាច្រើនទៀត គឺមាននៅទីនេះ។